Wataalamu Waonya Hatari ya Kupiga Selfie Zinazoonyesha Alama za Vidole

Wataalamu Waonya Hatari ya Kupiga Selfie Zinazoonyesha Alama za Vidole

Wataalamu wa usalama wa mitandao (Cybersecurity Experts) wameonya kuhusu tabia ya watu kupiga picha za selfie zinazoonyesha wazi alama za vidole au mikono, wakisema hali hiyo inaweza kuhatarisha taarifa binafsi bila watu kufahamu.

Kulingana na wataalamu hao, maendeleo makubwa ya teknolojia ya kamera za simu pamoja na matumizi ya Akili Bandia (AI) yanaweza kusaidia kusoma na kuchambua baadhi ya taarifa za biometriki kupitia picha zinazopigwa kwa ukaribu mkubwa.

Wamesema wahalifu wa mtandaoni wanaweza kutumia picha hizo kunasa taarifa za fingerprint ambazo hutumika katika mifumo mbalimbali ya usalama kama kufungua simu, programu za benki au akaunti zinazotumia alama za vidole.

Kwa mujibu wa wataalamu wa cybersecurity, taarifa za biometriki ni nyeti zaidi kwa sababu tofauti na password, mtu hawezi kubadilisha alama zake za vidole endapo zitavuja au kutumiwa vibaya.

Wananchi wamehimizwa kuwa waangalifu wanapopiga picha za selfie na kuepuka kuonyesha wazi alama za vidole hasa wanapoweka picha hizo kwenye mitandao ya kijamii.

Pia watumiaji wa simu wametakiwa kutumia njia nyingine za ziada za kulinda taarifa binafsi ikiwemo kutumia password zenye nguvu pamoja na mfumo wa Two-Factor Authentication (2FA).

Onyo hilo limekuja wakati ambapo matumizi ya AI yanaendelea kuongezeka duniani huku wataalamu wakisisitiza umuhimu wa usalama wa taarifa binafsi mtandaoni.

Endelea kufuatilia IddyNation kwa habari zote za teknolojia, usalama wa mitandao na maendeleo ya AI duniani.