Taylor Swift Aiga Gauni la Harusi la Elizabeth Taylor Kabla ya Ndoa na Travis Kelce

Taylor Swift Aiga Mtindo wa Gauni la Elizabeth Taylor Kuelekea Ndoa na Travis Kelce

Nyota wa muziki wa Marekani Taylor Swift anatarajiwa kuvutia macho ya dunia kwa uchaguzi wake wa gauni la harusi, ambalo linadaiwa kuchochewa na mtindo wa gwiji wa Hollywood Elizabeth Taylor.

Kwa mujibu wa ripoti mbalimbali, Swift anayetarajiwa kufunga ndoa na mchezaji wa NFL Travis Kelce, amevutiwa na gauni la kihistoria alilovaa Elizabeth Taylor mwaka 1950 alipooana na Conrad Hilton.

Gauni hilo lilijulikana kwa muonekano wake wa kifahari wenye kushika kiuno pamoja na mapambo ya lace, mtindo ambao Swift ameonekana kuupenda sana katika mavazi yake ya sasa.

Inaelezwa kuwa msukumo huo ulitokana na kipindi alichokuwa akifanya kazi ya wimbo wake “Elizabeth Taylor” kutoka albamu yake The Life of a Showgirl (2025), ambapo alitumia muda kuchunguza mitindo ya zamani ya gwiji huyo wa filamu.

Ndoa hiyo inatarajiwa kufanyika Julai 3 jijini New York, huku marafiki wa karibu akiwemo Selena Gomez na Gigi Hadid wakitajwa kuandaa maandalizi maalum ya tukio hilo.

Tukio hilo linatarajiwa kuwa moja ya harusi kubwa zaidi za mastaa mwaka huu, likichanganya mtindo wa zamani wa Hollywood na mvuto wa kisasa wa dunia ya burudani.

Suggested