Mashabiki Wamkosoa Harmonize Kumtumia Kajala Kwenye Video Tena – “Kama Sio” Yazua Gumzo

 

Mwanamuziki maarufu wa Bongo Fleva Harmonize amejikuta akikosolewa vikali na mashabiki wake baada ya kumtumia tena Kajala Masanja katika video ya wimbo wake mpya.

Katika kolabo yake na Kusah yenye jina “Kama Sio”, Kajala ameonekana kwa mara nyingine tena, jambo lililozua mjadala mkubwa mitandaoni.

Kwa mujibu wa mashabiki wengi, hii si mara ya kwanza kwa Kajala kuonekana kwenye video za Harmonize, kwani tayari ameshatokea katika video tatu tofauti za msanii huyo—hali ambayo imeanza kuwachosha baadhi ya watazamaji.

Wengine wameeleza kuwa matumizi ya sura hiyo hiyo mara kwa mara yanapunguza ubunifu katika video zake, huku wakimtaka Harmonize kujaribu wasanii au waigizaji wengine ili kuongeza ladha mpya.

Mbali na hilo, baadhi ya mashabiki wamehoji pia mwelekeo wa utunzi wa Harmonize, wakidai kuwa nyimbo zake nyingi zinaonekana kumlenga Kajala, hali inayowafanya kuamini kuwa maisha yake binafsi yanaathiri sana kazi zake za muziki.

Hata hivyo, kuna kundi lingine la mashabiki wanaomuunga mkono msanii huyo wakisema kuwa ni uhuru wake kuchagua nani atumie kwenye kazi zake, hasa ikiwa kuna uhusiano au chemistry nzuri kati yao.

Kwa sasa, mjadala huo unaendelea kushika kasi mitandaoni huku video ya “Kama Sio” ikiendelea kupata views na kuvutia attention kubwa kutoka kwa mashabiki wa muziki wa Tanzania na Afrika kwa ujumla.

Suggested