CHANZO CHA PICHA
Everton wana matumaini ya kumsajili Jack Grealish wa Manchester City kwa chini ya pauni milioni 50, Manchester United, Liverpool na Chelsea wanamfukuzia Adam Wharton wa Crystal Palace, huku Fulham wakifikiria mustakabali wa Harry Wilson.
Everton wana matumaini ya kumsajili winga wa Uingereza Jack Grealish kutoka Manchester City kwa dau la chini ya pauni milioni 50 walizokubaliana kama sehemu ya mkataba wa mkopo wa mchezaji huyo mwenye umri wa miaka 30 na The Toffees. (Telegraph - subscription required)
Manchester United ni moja ya klabu zinazofikiria kumnunua kiungo wa kati wa Crystal Palace Adam Wharton wakati wa dirisha la usajili Januari, huku Liverpool na Chelsea pia wakimtaka mchezaji huyo wa kimataifa wa Uingereza mwenye umri wa miaka 21. (Caughtoffside)
Chelsea ilijaribu kumsajili winga wa Ghana Mohammed Kudus, 25, kabla ya kujiunga na Tottenham msimu wa joto, lakini haikuweza kuwashawishi West Ham kukubali dili la mchezaji huyo pamoja na pesa taslimu. (Fabrizio Romano)
Nottingham Forest itakuwa na wajibu wa kumnunua kwa mkopo kiungo wa kati wa Juventus Douglas Luiz, 27, kwa euro 25m (£21.6m) ikiwa mchezaji huyo wa kimataifa wa Brazil atacheza dakika 45 kati ya mechi 15 za Ligi ya Primia msimu huu. (La Gazzetta dello Sport - in Italian)
Liverpool na Manchester United ni miongoni mwa vilabu kadhaa vinavyomfuatilia nyota wa Ajax, Jorthy Mokio, 17, ambaye tayari amechezeshwa na Ubelgiji na anaweza kucheza nyuma au kiungo wa kati. (Teamtalk)
Borussia Dortmund wanaweza kujaribu kumsajili kwa mkataba wa kudumu beki wa Argentina Aaron Anselmino, 20, ikiwa atavutia wakati wakiwa naye kwa mkopo kutoka Chelsea. (Bild - in German)
Winga wa Manchester United Muingereza Sam Mather mwenye umri wa miaka 21 yuko kwenye mazungumzo ya kutaka kuhamia klabu ya Uturuki ya Kayserispor. (Manchester Evening News)
Chelsea wana nia ya kumsajili mshambuliaji wa Juventus na Uturuki Kenan Yildiz, 20, lakini watalazimika kulipa £86m (euro 100m). (Fichajes - in Spanish)
Chelsea, Everton na Brighton wote walizungumza na Barcelona majira ya kiangazi kuhusu kiungo wa kati wa Uhispania Marc Bernal mwenye umri wa miaka 18. (Mundo Deportivo - in Spanish)
Fulham itatafuta pesa kumnunua kiungo Harry Wilson mnamo mwezi Januari ili kuepuka kumpoteza mchezaji huyo wa kimataifa wa Wales mwenye umri wa miaka 28 msimu wa joto. (Football Insider)
Afisa mkuu wa soka wa Nottingham Forest Ross Wilson ataacha kazi yake katika uwanja wa City Ground na kuwa mkurugenzi wa tatu wa michezo wa Newcastle katika kipindi cha miaka mitatu. (The I paper - subscription required)
