🔥 Kanye West Adai Kuvunja Rekodi ya Tamasha Kubwa Zaidi Duniani Istanbul
🔥 Kanye West Adai Kuvunja Rekodi ya Tamasha Kubwa Zaidi Duniani Istanbul
Rapa na mtayarishaji maarufu wa muziki duniani, Kanye West, amedai kuvunja rekodi ya kuwa msanii aliyefanya tamasha la uwanjani lililohudhuriwa na watu wengi zaidi katika historia baada ya kuvuta mashabiki 118,000 ndani ya Uwanja wa Atatürk Olympic Stadium jijini Istanbul, Uturuki.
Tamasha hilo lililofanyika Mei 30 lilikuwa sehemu ya ziara yake ya kwanza barani Ulaya katika kipindi cha miaka 11 na lilihudhuriwa na mashabiki kutoka mataifa mbalimbali duniani.
🎤 Travis Scott Aibua Shangwe Jukwaani
Tamasha hilo lilipata msisimko mkubwa zaidi baada ya rapa Travis Scott kupanda jukwaani na kutumbuiza sambamba na Kanye West, jambo lililowashangaza na kuwafurahisha mashabiki waliohudhuria.
Mashabiki walifika kutoka nchi mbalimbali ikiwemo Marekani, Uingereza, Ujerumani, Poland, Kazakhstan na Urusi kushuhudia tukio hilo la kihistoria.
🚫 Changamoto Zaendelea Kumkabili Kanye
Mafanikio hayo yanakuja wakati Kanye West akiendelea kukumbwa na changamoto katika baadhi ya nchi za Ulaya kutokana na utata unaohusishwa na baadhi ya kauli zake za zamani.
Mwezi Aprili mwaka huu, alizuiwa kuingia nchini Uingereza hali iliyosababisha kufutwa kwa ushiriki wake katika Wireless Festival huku baadhi ya maonyesho yake Ulaya yakifutwa au kuahirishwa.
🌍 Ziara ya Ulaya Yaendelea
Licha ya changamoto hizo, Kanye anaendelea na ziara yake ya Ulaya ambapo anatarajiwa kutumbuiza nchini Uholanzi, Albania, Georgia pamoja na Hispania katika miezi ijayo.
Ziara hiyo imeonyesha kuwa bado ana nguvu kubwa ya kuvutia mashabiki licha ya mijadala inayomzunguka nje ya muziki.
🏆 Albamu ya Bully Yaendelea Kung’ara
Mbali na mafanikio ya jukwaani, Kanye West anaendelea kufanya vizuri kwenye soko la muziki kupitia albamu yake mpya Bully ambayo ilianza kwa kushika nafasi ya kwanza kwenye chati za Top R&B/Hip-Hop Albums.
Katika maisha yake ya muziki, Kanye ameshinda jumla ya tuzo 24 za Grammy na kutoa albamu 10 zilizowahi kushika nafasi ya kwanza kwenye Billboard 200.
No comments
Note: only a member of this blog may post a comment.