Gigy Money asema hataki mazoea na mume wake Licky Tones, atoa onyo kali

 

Mwanamuziki wa Bongo Fleva, Gigy Money, amezua mjadala mitandaoni baada ya kueleza wazi kuwa hataki mazoea na mume wake, Licky Tones, huku akisisitiza kuwa yuko tayari kulinda ndoa yao kwa gharama yoyote.

Kupitia ujumbe wake wa kimapenzi aliouchapisha, Gigy alionesha upendo mkubwa kwa mume wake lakini pia akaweka wazi msimamo wake mkali kwa watu wanaoingilia mahusiano yao.

“Nakupenda bila aibu, bila haya, na bila kujali wanasema nini… lakini sipendi watu wanaoingilia maisha ya watu wanaopendana,” alisema Gigy Money.

Aidha, msanii huyo alieleza kuwa yuko tayari kukabiliana na yeyote anayehatarisha amani ya ndoa yake, akisema hatovumilia tena hali hiyo.

Kauli hiyo imeibua mjadala mkubwa kwa mashabiki, huku baadhi wakimuunga mkono na wengine wakiona msimamo wake kuwa mkali kupita kiasi.