Majani ya Lotus Yageuka Barakoa China

Wakazi China Watumia Majani ya Lotus Kujikinga na Jua Kali

Wakazi wa kusini mwa China wameibua gumzo kubwa kwenye mitandao ya kijamii baada ya kuanza kutumia majani makubwa ya maua ya lotus kama njia ya kujikinga na jua kali la kiangazi.

Katika video mbalimbali zinazotrendi mtandaoni, watu wanaonekana wakivaa majani hayo usoni kama barakoa huku wakiyafunga kwa kutumia kofia au helmeti wanapoendesha baiskeli na pikipiki.

Wengi wa waliotumia mbinu hiyo wamedai kuwa ni njia ya gharama nafuu, rahisi pamoja na rafiki kwa mazingira ikilinganishwa na baadhi ya vifaa vya kisasa vya kujikinga na jua.

Mbali na kusaidia kujikinga dhidi ya joto kali, baadhi yao wameeleza kuwa majani hayo yana uwezo wa kuzuia ngozi kuathiriwa na mionzi mikali ya jua wakati wa shughuli za kila siku.

Video hizo zimeendelea kusambaa kwa kasi kwenye majukwaa mbalimbali ya kijamii huku watu wengi wakivutiwa na ubunifu huo wa kipekee kutoka nchini China.

Hata hivyo, matumizi hayo ya majani ya lotus pia yamezua mjadala mkubwa mtandaoni ambapo baadhi ya watumiaji wamevutiwa na ubunifu huo huku wengine wakitania muonekano wa waliovaa majani hayo usoni.

Baadhi ya watu wameeleza kuwa njia hiyo inaweza kuwa mbadala mzuri wa vifaa vya gharama kubwa hasa katika maeneo yenye jua kali na hali ya hewa ya kiangazi.

China imekuwa moja ya nchi zinazojulikana kwa kuibuka kwa trend mbalimbali za kipekee mitandaoni ambazo mara nyingi huvutia watu kutoka sehemu mbalimbali duniani.

Trend hiyo mpya ya majani ya lotus imeendelea kuvuta hisia huku picha na video nyingi zikisambazwa na watumiaji wa mitandao ya kijamii ndani na nje ya China.

Endelea kufuatilia IddyNation kwa habari zote za viral duniani, trending stories na burudani kutoka kila kona ya dunia.