Rasmi: Flick Ataendelea Kuinoa Barcelona kwa Miaka Miwili Zaidi

Rasmi: Barcelona Wamuongezea Mkataba Kocha Hansi Flick Hadi 2028

FC Barcelona wamethibitisha rasmi kumuongezea mkataba kocha wao Hansi Flick, ambaye sasa ataendelea kuinoa klabu hiyo hadi mwaka 2028.

Uamuzi huo unakuja baada ya kocha huyo wa Ujerumani kuiongoza Barcelona kwenye msimu wa mafanikio makubwa, ukiwemo ubingwa wa La Liga na mataji mengine ya ndani.

Flick alijiunga na Barcelona mwaka 2024 na kwa muda mfupi ameweza kurejesha ushindani mkubwa wa timu hiyo kupitia mfumo wa kushambulia na nidhamu ya hali ya juu.

Katika taarifa yake, Flick amesema ana furaha kubwa kuendelea na mradi wa Barcelona na anaamini timu hiyo bado ina nafasi kubwa ya kushinda mataji zaidi, ikiwemo UEFA Champions League.

Uongozi wa Barcelona umeonyesha imani kubwa kwake kwa kumpa mkataba wa muda mrefu, hatua inayowapa mashabiki matumaini ya mafanikio zaidi katika miaka ijayo.

Endelea kufuatilia IddyNation kwa habari zote za Barcelona, La Liga na soka la Ulaya.