Southampton itahitaji zaidi ya £100m kwa mlinzi mwenye umri wa miaka 19 Tyler Dibling huku Muingereza huyo akisakwa na Tottenham na Manchester City. (Telegraph)
Newcastle wanataka kumleta mlinzi wa kati wa Liverpool na England Jarell Quansah, 22, huko St James' Park msimu huu wa joto na wanatumai kuwa dau la pauni milioni 30 litawashawishi viongozi hao wa Premier League kumuuza. (Times)
Wakati huohuo, Newcastle wamesitisha mazungumzo ya mkataba na mchezaji anayelengwa na Liverpool na Arsenal Alexander Isak baada ya mshambuliaji huyo wa Uswidi, 25, kukataa ofa yao ya awali. (Caught Offside)
Bournemouth watakutana wiki hii kujadili mustakabali wa beki wa kushoto wa Hungary Milos Kerkez, 21, na mshambuliaji wa Ghana Antoine Semenyo, 25, huku Liverpool ikiwa na nia na mchezaji huyo. (Team talk)Winga wa Manchester United Jadon Sancho, ambaye kwa sasa yuko Chelsea kwa mkopo, ana nia ya kurejea Bundesliga, kujiunga tena na Borussia Dortmund ni "ndoto" yake, lakini Bayer Leverkusen pia wanavutiwa na Muingereza huyo mwenye umri wa miaka 25. (Bild)Chelsea, ambao wana wajibu wa kumnunua Sancho kutoka Manchester United, wanatafakari iwapo watamsajili mchezaji huyo wa kimataifa wa Uingereza, kabla ya kumuuza mara moja. (Football Insider)Nottingham Forest wanatazamia kuongeza mkataba wa mlinzi wa pembeni wa Wales, Neco Williams, 23, ambaye mkataba wake wa sasa unamalizika Juni 2026. (Fabrizio Romano).
Chelsea wameungana na Real Madrid katika mbio za kumsajili beki wa Uhispania Dean Huijsen mwenye umri wa miaka 19 kutoka Bournemouth msimu huu wa joto. (Sport)
Mkataba wa Trent Alexander-Arnold unamalizika tarehe 30 Juni lakini Liverpool bado wanaweza kupata ada ya kumnunua beki huyo wa kulia wa Uingereza, 26. (Mail)
Kiungo wa kati wa Sunderland na England chini ya miaka 19 Chris Rigg, 17, anafuatiliwa kwa karibu na vilabu kadhaa, ikiwa ni pamoja na Everton, Tottenham na West Ham, kabla ya dirisha la uhamisho wa majira ya joto. (Sky Sports)
Kiungo wa kati wa Genk Kostantinos Karetsas, 17, anatarajiwa kuwa kwenye mzozo wa uhamisho wa majira ya joto, huku Liverpool, Manchester United, Newcastle na Napoli zote zikiwa na nia ya kumnunua mchezaji huyo wa kimataifa wa Ugiriki. (Tuttomercato)
